Përmbytjet në Spanjë, rritet në 72 persona bilanci i viktimave! 3 ditë zie kombëtare

Përmbytjet katastrofike që goditen juglindjen e Spanjës ka sjellë një numër të madh të viktimave, bilanci i së cilës ka arritur në 72 persona. Ministri i Brendshëm i Spanjës, Ángel Víctor Torres, ka shpallur 3 ditë zie nga nesër deri të shtunën.

Sakaq, kryebashkiakja e Horno de Alcedo, Consuelo Tarazon, u shpreh se alarmi i parë i përmbytjeve erdhi gjysmë orë përpara se të niste tragjedia.

“Alarmi i parë ishte rreth gjysmë ore para fillimit të përmbytjes, alarmi i dytë kur tashmë ishim ngjitur në katet e sipërme nga frika sepse uji kishte arritur tashmë një metër e gjysmë dhe i treti erdhi sot në mëngjes. ” tha ajo, duke nënkuptuar kështu se ka qenë e vështirë shpëtimi për shkak të kohës së afërt të njoftimit.

Reagim më herët pati dhe nga kryeministri i Spanjës, Pedro Sanchez përmes një deklarate për media, duke u shprehur se qeveria nuk do i braktisë qytetarët në këtë moment kritik e të vështirë.