Pasaporta ukrainase i shpëton jetën të riut, copëza e raketës ngec në kornizën e dokumentit

Autoritetet ukrainase kanë publikuar një fotografi, ku shihet një copë bombe therrmuese që ka ngecur brenda kornizës së pasaportës ukrainase të një adoleshenti.

Ministri i Jashtëm ukrainas që shpërndau imazhin, ka thënë se dokumenti i udhëtimit i shpëtoi jetën adoleshentit, i cili u lëndua nga copa e raketës në Mariupol në juglindje të Ukrainës. Madje ministri ukrainas, shtoi se djaloshi i është nënshtruar një intervenimi kirurgjik për t’i shpëtuar vdekjes.

Bëhet fjalë për një djalë 16-vjeç nga Mariupoli i Ukrainës, të cilit pasaporta ia shpëtoi jetën sot.