Pas Hënës së “përgjakur”, NASA: Një asteroid sa Statuja e Lirisë do kalojë në Tokë,  mund të jetë rrezik

NASA ka lajmëruar së fundmi se po ndjek një asteroid më të madh se Statuja e Lirisë që do të kalojë pranë planetit tonë këtë javë. Asteroidi i quajtur 2021 JF1 po ecën nëpër galaktikë me 38,000 mph sipas listës së Qasjeve të Afërme të Tokës NEO të NASA-s.

Në njoftim, NASA thotë se diametri i vlerësuar i 2021 JF1 është midis 95 dhe 210m, potencialisht duke e bërë atë më të madh se Statuja e Lirisë në Neë York e cila është 93m e lartë. Ajo do të kalojë rreth 3.2 milionë milje nga Toka në 1.11 të enjten në 27 Maj.

Kjo mund të tingëllojë shumë larg, por është relativisht afër në aspektin hapësinor dhe NASA konsideron gjithçka që kalon brenda 120 milion miljeve të planetit tonë si objekte afër Tokës. Sipas NASA-s, ajo gjithashtu mund t’i afrohet Tokës në 5 Nëntor të vitit të ardhshëm. Është klasifikuar si një asteroid Apollo, i cili dihet të jetë një nga llojet më të rrezikshëm.

2021 JF1 është asteroidi më i madh që kalon Tokën këtë javë, por nuk është i vetmi. Ekipi i astronomëve të NASA-s aktualisht po ndjek rreth 2,000 asteroide, kometa dhe objekte të tjera që mund të fluturojnë afër Tokës. Toka nuk ka parë një asteroid të shkallës apokaliptike që nga shkëmbi hapësinor që zhduku dinosaurët 66 milionë vjet më parë.

Shumica e asteroideve nuk do të vijnë në kontakt me atmosferën e Tokës, por në raste të rralla, shkëmbinjtë gjigantë hapësinorë mund të shkaktojnë probleme për sistemet e motit.