Pas 20 muaj luftë në Ukrainë, Putin bën veprimin që askush se priste

Vladimir Putin dhe Viktor Orban ishin të dy në Pekin ditët e fundit për të marrë pjesë në Forumin Brez dhe Rrugë të nismës kineze që u mbajt në kryeqytetin kinez më 17-18 tetor.

Presidenti rus dhe kryeministri hungarez kanë pasur dje një takim dypalësh në margjinat e forumit në fjalë, gjatë të cilit kanë shkëmbyer shtrëngime duarsh para kamerave.

Siç thuhet në faqen e internetit Politico në një artikull, kjo është hera e parë pas rreth 20 muajsh luftë në Ukrainë që presidenti rus është fotografuar duke shtrënguar duart me një udhëheqës të një vendi të BE-së .

Sipas agjencisë shtetërore ruse të lajmeve TASS, Viktor Orbán citohet t’i ketë thënë Putinit se “Hungaria kurrë nuk ka kërkuar të antagonizojë Rusinë”.