Sulmoi 7 herë me thikë një rumun, arrestohet 48-vjeçari shqiptar në Itali

Një ngjarje e rëndë ka ndodhur një ditë më parë në Itali. Një 48-vjeçar shqiptar është arrestuar pasi sulmoi me thikë një 62-vjeçar rumun. Sipas mediave vendase, ky i fundit mori 7 plagë, ndërsa shkaku ende nuk dihet.

Ngjarja ka ndodhur në rrugë, në Ladispoli dhe e gjithë skena u pa nga shumë kalimtarë. Policia mbërriti menjëherë në vendin e ngjarjes dhe nisi kërkimet për shqiptarin. Nga hetimet rezultoi se autori jo vetëm që ishte person me precedent penal, por kohët e fundit ai ishte larguar nga burgu. Ndërkohë, rezulton që të ketë pasur edhe probleme të shëndetit mendor.

Megjithatë autoritetet janë duke hetuar për të zbuluar shkaqet e sulmit, që çoi në plagosjen e një shtetasi rumun.