Obama: Kur vjen puna tek alienët janë disa gjëra që nuk mund ti them

Në një emision televiziv, ish-Presidenti Barack Obama pranoi se ka parë pamjet e disa objekteve ajrore të paidentifikuara që sfidojnë shpjegimin racional. “Ne nuk mund të shpjegojmë se si ata lëvizin, trajektoren e tyre. Nuk kishin një model lehtësisht të shpjegueshëm. Kur vjen puna tek alienët, ka disa gjëra që nuk mund t’i them në transmetim”, tha ai.

Ish- presidenti tha më tej se ishte kurioz të mësonte rreth sekreteve të qeverisë amerikane mbi UFO-t kur mori drejtimin e vendit në vitin. 2008.  “Isha duke pyetur: Në rregull, a ka ndonjë laborator ku po mbajmë ekzemplarët e huaj dhe anijet kozmike? Dhe përgjigjja ishte që jo”, tha ai.

Komentet e tij vijnë pasi javën e kaluar, një video e Pentagonit, që mendohet se është e vitit 2019, tregoi një objekt të paidentifikuar që fluturon mbi San Diego.  Duke komentuar këtë video për CNN, Sean Cahil, ish-shefi i armatimeve në Marinë, u shpreh: “Bëhet fjalë për Tic Tac-un. Nga ajo që shihet, duket që arsenali i UFO-ve është 1000 herë më i avancuar se arsenali ynë”.