Nisin zgjedhjet 3 ditore parlamentare në Rusi, Putin voton online nga zyra e tij në Kremlin

Rusia ka hapur këtë të premte zgjedhjet parlamentare treditore për Dumën e Shtetit, ndërsa presidenti Vladimir Putin e hodhi votën online nga zyra e tij në Kremlin.

Sipas agjencisë Sputnik, kjo është hera e gjashtë që Putin zgjedh votimin elektronik. Ai e përdori për herë të parë këtë mënyrë në zgjedhjet parlamentare të vitit 2021, ndërsa më pas votoi online edhe në zgjedhjet për përfaqësuesit vendorë, për kryebashkiakun e Moskës, në zgjedhjet presidenciale të vitit 2024 dhe në zgjedhjet për Dumën e Moskës.

Votimi do të zhvillohet nga 18 deri më 20 shtator. Komisioni Qendror i Zgjedhjeve ka njoftuar masa të shtuara sigurie gjatë procesit.

Për herë të parë, sipas autoriteteve ruse, në zgjedhjet për Dumën e Shtetit marrin pjesë edhe banorët e rajoneve të Donetskut, Luganskut, Zaporizhias dhe Hersonit, të cilat Moska i konsideron pjesë të territorit rus.

Në total, qytetarët rusë do të zgjedhin 20.700 mandate parlamentare dhe poste të tjera zgjedhore.

Putin i ka cilësuar më herët zgjedhjet për Dumën e Shtetit si ngjarjen më të rëndësishme politike të brendshme në vend.