Masakër në Guatemalë, 4 të burgosurve u pritet koka

Një ngjarje e rëndë ka ndodhur në një burg në Guatemalë, ku mësohet se pas një sherri mes grupeve kriminale, 4 personave u është prerë koka. Sipas njoftimit të policisë për mediat, të burgosurit e grupit kriminal ‘Mara Salvatrucha and Barrio 18 gangs’ u përleshën me grupin rival për tregtinë e drogës. Burgu 200 km larg kryqytetit të Guatemalës ka më shumë se 2000 të burgosur.

Mësohet se të paktën 500 policë ishin vendosur për të marrë kontrollin e burgut. ”Deri në këto momente kemi informacione për 4 të vdekur. Sipas informacioneve paraprake thuhet se atyre u është prerë koka”- tha zëdhënësi i policisë. “Policia dyshon se trazirat u përhapën kur një anëtar i një grupi kriminal sulmoi një rival në shenjë hakmarrjeje për trazirat e ndodhura së fundmi”, tha shefi i policisë.