Këmisha e Zelenskyt në Shtëpinë e Bardhë tërheq vëmendjen, rriten shitjet në SHBA

Presidenti ukrainas Volodymyr Zelensky do të diktoje tendencat e modës?

Pasi veshi një këmishë polo Damirli në Shtëpinë e Bardhë më 28 shkurt, ditën e përplasjes me Donald Trump, veshja e tij u bë shumë popullore. Këmisha kishte një emblemë të "tryzub", simbolin e Ukrainës.

Ky detaj e bëri të veçantë.

Për këtë veshje, Trump e vlerësoi, duke e ironizuar, ndërsa Zelensky mbrojti zgjedhjen e tij.

“Do të vesh një kostum kur të përfundojë lufta”, tha ai, duke shtuar se mund të zgjedhë diçka më të lirë.

Populli i ka pëlqyer shumë kjo veshje, duke rritur kërkesën për këmishën. Edhe stilistja e markës, Elvira Gasanova, nuk priste që një këmishë polo (me çmim 215 euro) të bëhej kaq popullore.

Ajo është krenare për veshjen që Zelensky e mbajti, duke thënë se ai ka treguar guximin dhe forcën e popullit ukrainas.

Gasanova, e cila ka veshur edhe yje si Kim Kardashian dhe Rita Ora, tha se ndjehet e nderuar që presidenti ukrainas ka zgjedhur produktin e saj.

Ajo gjithashtu përshkroi situatën e luftës, duke thënë se ata po jetojnë çdo ditë me pasiguri, por vazhdojnë të mbështesin ushtrinë dhe presidentin.