Kadilli dhe Harxhi humbin sërish para Bashës, Komisioni Statutor rrëzon propozimet e tyre

Përfundoi mbledhja e Komisionit Statutor të Partisë Demokratike, duke arritur me përfundimin se propozimet e Fatbardh Kadillit dhe Edith Harxhit janë rrëzuar ndërsa janë kaluar ato të kryetarit Lulzim Basha. Kështu, në mbledhjen që do mbahet ditën e nesërme, pritet të diskutohen vetëm ndryshimet e propozuara nga Basha.

Mësohet se Këshilli Kombëtar, do të jetë organi që do të japë dritën jeshilë për të gjithë marrëveshjet që PD do të lidhë me aleatët e saj. Ndërkohë që sot, komisioni për Statutin në PD miratoi propozimet e kryetarit Basha për disa ndryshime në statutin e PD, që synojnë, sipas tij, demokratizimin dhe forcimin e mëtejshëm të partisë. Gjatë mbledhjes u shqyrtuan edhe disa sugjerime të tjera për ndryshime statutore, por komisioni nuk gjeti element të vlefshëm.