Izraeli i pamëshirshëm, sulmoi një xhami në Palestinë në "Natën e Kadrit", plagosen 90 persona

Përplasja për shpërnguljen me forcë nga banesat mes Izraelit dhe Palestinës vijon, ndërsa një ditë më parë, u raportua sulmi i dytë. Mësohet se 90 persona kanë mbetur të plagosur, pasi u sulmuan në xhaminë e Al-Aksës ku mijëra myslimanë ishin mbledhur për t'u lutur për Natën e Kadrit.

Ndërkohë që policia izraelite tha se iu desh të përgjigjej me gaz lotsjellës dhe me plumba gome ndaj protestuesve që lëshonin objekte të forta dhe u vinin zjarrin barrikadave të ngritura prej tyre.

Lidhur me këtë situatë, SHBA-ja, Rusia, BE-ja dhe Kombet e Bashkuara dolën me deklaratë duke shprehur shqetësim. Edhe Turqia ndërhyri të shtunën duke e quajtur Izraelin një shtet terrorist që po persekuton botën arabe dhe myslimane.