Irani përshkallëzoi sulmet, reagon Katari: Ligji na lejon të kundërpërgjigjemi! Nuk ka viktima

Katari ka thënë se rezervon të drejtën për t’u përgjigjur drejtpërdrejt dhe në përputhje me ligjin ndërkombëtar.

Gjithashtu është thënë se nuk ka viktima në bazën ushtarake amerikane al Udeid në Doha, pas sulmit të Iranit ndaj kësaj strukture. Katari tha se mbrojtja e tij ajrore ka interceptuar një sulm me raketa.

Ndërkohë presidenti i SHBA, Donald Trump ndodhet në Dhomën e Situatave ndërsa Shtëpia e Bardhë thotë se po ‘monitoron nga afër’ kërcënimet ndaj bazës.

Pikat kryesore që dimë deri më tani:

Ekziston një “kërcënim i besueshëm” për Qendrën e Operacioneve Ajrore të Koalicionit të drejtuar nga SHBA-të në Al Udeid në Katar, raporton korrespondenti i sigurisë i BBC-së, Frank Gardner. Disa orë më parë, ambasada amerikane në Katar u tha qytetarëve amerikanë se duhet të strehohen “deri në njoftim të mëtejshëm”.

Deklarata e shkurtër nuk dha detaje specifike, por tha se alarmi ishte lëshuar “për shkak të një kujdesi “.

Sekretari i Jashtëm i Mbretërisë së Bashkuar, David Lammy, më pas dha të njëjtën këshillë për qytetarët e Mbretërisë së Bashkuar në Katar.