Përshkallëzohet situata! Irani sulmon me 6 raketa bazën amerikane në Katar

Irani ka sulmuar bazat amerikane në Katar, ndërsa shpërthime janë ndjerë në Doha. Më herët Katari mbylli hapësirën ajrore, ndërsa DASH u bëri thirrje qytetarëve që mund të ishin në rajon të gjenin strehim të sigurtë.

Ka raportime se Irani ka lëshuar raketa edhe drejt forcave amerikane në Irak..Mbyllja e hapësirës ajrore në Katar do të thotë që hapësira ajrore mbi bazën amerikane në Al Udeid është e mbyllur. Baza Al Udeid në Katar pret më shumë se 10,000 trupa amerikanë dhe është qendra më e madhe ushtarake amerikane në rajon.

Sipas Ministrisë së Jashtme të Katarit, vendimi u mor për të garantuar sigurinë e banorëve dhe vizitorëve, ndërsa Emiratet e Bashkuara Arabe thuhet se do të ndërmarrin një hap të ngjashëm.