Irani përgatit ligjin e ri për Hormuzin: Anijet do kalojnë vetëm me leje të Teheranit

Irani ka njoftuar përgatitjen e një projektligji të ri që synon rregullimin e trafikut detar në Ngushticën e Hormuzit, një nga rrugët më strategjike për tregtinë globale të energjisë.

Lajmi u bë i ditur nga zëvendëskryetari i Parlamentit iranian, Hamidreza Haji-Babaei, i cili deklaroi se masa parashikon ndalimin e kalimit të anijeve izraelite në këtë korridor detar.

Sipas tij, projektligji parashikon gjithashtu kufizime për anijet e vendeve që konsiderohen “armike”, të cilat do të lejohen të kalojnë vetëm nëse paguajnë dëmshpërblime lufte.

Për anijet e tjera ndërkombëtare, kalimi nëpër ngushticë do të kërkojë autorizim dhe miratim paraprak nga autoritetet iraniane.

“Trafiku detar në Ngushticën e Hormuzit nuk do të kthehet më në gjendjen që ishte para luftës”, deklaroi zyrtari iranian.