Irani i dërgon Pakistanit propozim të ri për paqe me SHBA-në

Irani ka paraqitur një propozim të ri për bisedime me Shtetet e Bashkuara, i cili është përcjellë përmes ndërmjetësve në Pakistan, raportojnë mediat shtetërore iraniane, mes tyre edhe agjencia IRNA.

Sipas CNN, iniciativa e fundit është pjesë e kontakteve diplomatike që po zhvillohen përmes Islamabadit, i cili ka marrë rolin e ndërmjetësit mes dy vendeve.

Zhvillimi vjen në një kohë tensionesh të vazhdueshme, ndërsa përpjekjet për arritjen e një marrëveshjeje mes SHBA-së dhe Iranit mbeten të ndjeshme. Pakistani prej disa javësh po përdoret si kanal komunikimi për të mbajtur të hapur dialogun mes palëve.