I shpëtoi talebanëve, përkthyesi afgan: Momenti më i lumtur i jetës kur avioni u nis nga Kabuli (Video)

Një rrëfim prekës ka ardhur nga një përkthyes afgan. Ai ka treguar momentin kur avioni u nis nga Kabuli, duke e cilësuar si më të lumturin e jetës së tij. Ai prej vitesh punonte për ushtrinë britanike, ndaj jeta e tij në Afganistan ishte e rrezikuar nga talebanët.

BBC shkruan se përkthyesi i ishte lutur qeverisë britanike që ta ndihmonin e ta nxirrnin nga Afganistani, pasi ishin në rrezik. Shumë i lumtur që u largua, ai ka treguar se tashmë është i emocionuar për jetën që do nisë larg talebanëve. Gjatë fjalës së tij, ai i bëri thirrje qeverisë britanike që të evakuuojë kolegë të tij që janë në rrezik në Kabul.

Aktualisht ai dhe familja e tij ndodhen në karantinë, si rregull për përhapjen e Covid-19.