I shpëtoi talebanëve, 5-vjeçari afgan vdes pasi hëngri kërpudha helmuese në Poloni

Tragjik ishte fati i një vogëlushi 5-vjeçar, i cili spao ishte evakuar nga Kabuli por vdiq në Poloni nga kërpudhat helmuese.

Vëllai i tij gjashtë vjeçar, i cili i është nënshtruar transplantit të mëlçisë, hëngri të njëjtat kërpudha dhe tani po lufton për jetën e tij në spitalin e fëmijëve.

Djemtë u shtruan në spital javën e kaluar, së bashku me motrën e tyre 17-vjeçare, e cila më vonë u lirua në gjendje të mirë.

Familja zgjodhi dhe hëngri kërpudhat, të cilat janë ndër më helmueset në botë, në pyllin rreth qendrës së refugjatëve ku ata po qëndronin në Podkowa Lesna pranë Varshavës.

Vëllai më i madh iu nënshtrua me sukses transplantit të mëlçisë pasi u helmua, por dëmtimi i trurit të tij ishte i madh dhe kërcënues për jetën.

Mjekët thanë se prindërit e tyre po merrnin kujdes psikologjik në spital.

Disa nga anëtarët e tjerë të familjes së tyre tani po shërohen pasi u shtruan në spital diku tjetër.