Krimi në Greqi/ Nënën ja vranë grabitësit, polici gjen foshnjën dhe e mban në krah (Foto)

Një ditë pas ngjarjes së rëndë në Greqi, ku një 20-vjeçare u torturua dhe u vra nga grabitësit, del fotoja e një polici teksa mban në krah fëmijën e viktimës. Kjo foto është bërë virale kudo, pasi u publikua si fillim nga presidenti i Unionit të Oficerëve të Policisë të Atikës Juglindore, George Kalliakmanis. Përbri fotos, ai shkruan: “Një foto sa një mijë fjalë, polici mban në krahë foshnjën e familjes që jetoi momente makthi pas rezultatit tragjik të vrasjes së nënës 20-vjeçare.”

Kujtojmë se ngjarja e rëndë ndodhi një ditë më parë, ku nëna 20-vjeçare u vra pasi grabitësit i vodhën shtëpinë. Ata morën sende me vlerë dhe 15 mijë euro. Ndërkohë, grabitësit nuk e kishin lënduar foshnjën, gjithashtu edhe bashkëshorti i saj ka shpëtuar, pasi nuk ka qenë në shtëpi.