“Ish-drejtues policie e kriminelë blenë votat në Gjirokastër”, PD nxjerr emrat në KQZ

Përfaqësues të PD-së janë ankuar në KQZ, në lidhje me procesin zgjedhor në qarkun e Gjirokastër, duke u shprehur se ka pasur parregullësi të evidentuara.

Sipas përfaqësuesve të Partisë Demokratike, drejtues e ish-drejtues policie, në bashkëpunim me kriminelë kanë blerë votat në qarkun jugor, duke deformuar vullnetin qytetar.

“PS kishte drejtues politik Bledar Çuçin. Arianit Arapi ishte drejtues i fushatës së Çuçit. Arapi ka lidhje me bandat në Gjirokastrës. Në fushatën e PS u përfshinë njerëz me rekorde kriminale. Në këtë zonë është bërë e mundur që të mbillet kanabisi. Dino Selimi ka shërbyer si transportues i lëndës narkotike. Sokol Feruni është person tjetër me rekorde kriminale në fushën e narkotikëve e Andi Shkurta po ashtu kanë vënë në shërbim të PS një skemë kriminale. Kur Saimir Tahiri ishte ministër, disa drejtues policie u çuan në gjyq e disa kanë shpëtuar disa persona të lidhur me bandat. Fatmir Hoxha u bë komandant i Policisë së Gjirokastër.

Të gjithë këta shtetas janë persona të lidhur me bandat, e kanë bërë të mundur me presion, kërcënime dhe tëë mira materiale, të ndikojnë në rezultatin e zgjedhjeve. Kemi bërë 50 kallëzime në SPAK, për shit-blerje votash. Shumë drejtues policie janë kthyer në punëm, edhe pse kishin lidhje me trafikantë. Bilbil Marki, Klodjan Haruni, Ervin Hoxha, Maks Haruni etj janë përfshirë drejtpërdrejtë në shit-blerje votash. Janë evidentuar raste, të shkeljes së ligjit. Fondet shtetërore janë përdorur për të tjetërsuar vullnetin e qytetarëve, e shteti e partia u shkrinë në një. Disponojmë foto e video, ku deputetët e PS promovuan investime për të marrë vota”, u shprehën përfaqësuesit e PD-së.