Horror në Izrael, 20-vjeçari i ngul thikën në shpinë ushtarit, policia e qëllon për vdekje

Një 20-vjeçar ka plagosur me thikë një ushtar izraelit dhe një qytetar të thjeshtë në lindje të Jerusalemit, ndërsa më pas është vrarë nga policia.

Këta të fundit e kanë cilësuar sulmin si terrorist, e në videon që kanë publikuar shfaqin trupin e pajetë të 20-vjeçarit të shtrirë në tokë.

Incidenti ndodhi në afërsi të selisë Sheik Jarah.

“Ushtari ka marrë ndihmën e shpejtë në vendin e ngjarjes dhe është dërguar në spital për trajtim të mëtejshëm”, thuhet në njoftimin zyrtar të ushtrisë izraelite.

Në pamjet e publikuara në rrjet, shihet dhe momenti ku policia vret të riun.