Fundjava e përgjakshme në SHBA, 150 njerëz u vranë me armë zjarri

Në SHBA, përgjatë fundjavës që kaloi kanë vdekur 150 njerëz, të vrarë me armë zjarri. Arkivi i Dhunës me Armë ka publikuar raportin, ndërsa tregon se janë regjistruar 400 të shtëna në të gjithë vendin.

Mediat ndërkombëtare shkruajnë se këto të dhëna i referohen periudhës nga e premtja deri të dielën. Sipas të dhënave, në Nju Jork kishte 26 viktima, duke përfshirë vdekje dhe plagosje në 21 të shtëna. Por numri më i rëndë i viktimave i përket Çikagos me 14 të vdekur dhe 83 të plagosur.