Foto/ U zhyt në lumë për të shpëtuar dy të miturit, shqiptari gdhend në trup kujtimin e tyre! Ja si duket tatuazhi

Goga Levian, shqiptari që u zhyt në lumë për të shpëtuar djemtë 12-vjeçarë dhe 14-vjeçarë që u mbytën të mërkurën e kaluar në lumin Arachthos , e ka mbajtur premtimin e tij të qartë për të bërë tatuazh emrat e djemve.

Me zemër të thyer, por i vendosur për ta mbajtur gjallë kujtimin e Nisit dhe Spyros, ai deklaroi disa ditë pas tragjedisë:

"Do t'i bëj tatuazh fytyrat e tyre. Qofshin gjithmonë mbi mua. Gjithmonë në zemrën time."

Pavarësisht përpjekjeve të tij mbinjerëzore, dy fëmijët për fat të keq nuk ia dolën, megjithatë ai e mban gjallë kujtimin e tyre, pasi në një video që ka postuar në llogarinë e tij në TikTok, Goga Levian tregon tatuazhin e tij më të plotë.