Çfarë po ndodh? ChatGPT ndalon së funksionuari

OpenAI, kompania që qëndron pas ChatGPT, ka njoftuar se platforma ka pësuar disa ndërprerje në funksionim, ndërsa theksoi se po vazhdon të punojë për ta rikthyer sërish në normalitet.

Mijëra përdorues të Chat GPT raportuan për softuerin që përballet me ndërprerje teknike. Defekti preku jo vetëm Chat GPT, por edhe shërbimet e OpenAI.

Përdoruesit që përpiqeshin të hynin në softuer përballeshin me mesazhin “404 Error, Page Not Found”, ndërsa disa të tjerëve iu shfaq ky mesazh në ekranet e tyre, “Kërkesa nuk lejohet. Provo sërish më vonë.”