Çfarë i tha djali i Donald Trump në vesh ish-Presidentit Biden që ndryshoi mimikën e fytyrës?

Barron Trump pati një përballje  të shkurtër me ish-presidentin Joe Biden gjatë inaugurimit të babait të tij, dhe përdoruesit e rrjeteve sociale kanë qenë kuriozë të dinë saktësisht çfarë ndodhi mes tyre.

Studenti 18-vjeçar i Universitetit të Nju Jorkut ishte i shoqëruar nga nëna e tij, Melania Trump, dhe vëllezërit e motrat e tij në inaugurimin e Presidentit Donald Trump për vitin 2025, të hënën, në Uashington, D.C.

Pasi Donald bëri betimin si president për një mandat të dytë, Barron u pa duke i dhënë dorën presidentit në largim dhe Zëvendëspresidentes Kamala Harris brenda Rotundës së Kapitolit të SHBA-së.

Një video në TikTok që tregonte shkëmbimin e shkurtër të Barron-it me ish-presidentin 82-vjeçar ka magjepsur plotësisht internetin.

Në klip, Barron u pa duke kapur dorën e Biden-it, përpara se të afrohej dhe të dukej sikur i pëshpëriste diçka në vesh.

Ndërsa Biden, me origjinë nga Delaëare, kishte një buzëqeshje në fytyrë përpara ndërveprimit me Barron-in, pasi adoleshenti i bëri komentin e tij misterioz, ai e zëvendësoi shprehjen e lumtur me një fytyrë të zymtë – dhe njerëzit në internet janë kuriozë për të ditur çfarë tha ai.

Në TikTok, ku videoja ka marrë më shumë se 500,000 shikime, disa përdorues në seksionin e komenteve kanë bërë hamendësime për atë që mund t’i ketë thënë Barron Biden-it për t’i shkaktuar një shprehje kaq të trishtuar.

“Duket sikur i tha, ‘Ke mbaruar’ lol,” pretendoi një person.