"Duke shijuar jetën e tyre të re", gazetarja e BBC publikon videon e afganëve në Shqipëri

Shqipëria është një nga vendet që pritet të strehojë rreth 4 mijë afganë, për një periudhë 1 vjeçare. Ndërkohë, grupet e para janë akomoduar në vendin tonë.

Ata janë strehuar në restortet e Durrësit dhe në konviktet e Qytet Studentit. Atmosfera e krijuar dhe qetësia që ata kanë përftuar me mbërritjen në Shqipëri, është pasqyruar nga korrespondentja e BBC, Yalda Hakim.

Ajo ka publikuar një video në “Twitter” ku shihen disa fëmijë duke lozur në ambientet e kampusit studentor.

“Fëmijë afganë të cilët vetëm pak ditë më parë ikën nga tmerret e luftës, duke shijuar jetën e tyre të re në Tiranë, Shqipëri”, shkruan gazetarja në “Twitter”.