Donald Trump zyrtarisht kandidat për President

Partia Republikane ka emëruar zyrtarisht Donald Trump si kandidaturën e saj presidenciale.

Përzgjedhja përfaqëson një moment të jashtëzakonshëm për ish-presidentin, i cili gjatë tre viteve të fundit është përballur me denoncimin për trazirat e 6 janarit, paditë e shumta penale, pengesat politike, dhe vetëm këtë fundjavë, një tentativë për vrasje.

Trump është kandidati i parë për president i dënuar nga gjykata. Përzgjedhja si kandidat sot nuk ishte befasi, pasi një shumicë dërrmuese e delegatëve të konventës tashmë ishin zotuar të mbështesin Trump pasi ai dominoi zgjedhjet paraprake.