Djegia e burgut në Indonezi, shkon në 44 numri i viktimave

Ka shkuar në 44 numri i viktimave nga zjarri që përfshiu burgin në provincën Banten të Indonezisë. Ngjarja e rëndë ndodhi 2 ditë më parë, ndërsa mësohet se 3 nga viktimat u shënuan gjatë trajtimit në spital.

Mësohet se në spital po trajtohen aktualisht 5 persona. Kujtojmë se ngjarja e rëndë ndodhi në orët e para të mëngjesit të së mërkurës, kur burgu i personave të dënuar për drogë u përfshi nga flakët. Shkaku i zjarrit vijon të jetë misterioz, ndërkohë që policia vijon të hetojë dinamikën.

Ndërkohë, bëhet me dije se dhomat e paraburgimit ishin të mbyllura kur shpërtheu zjarri, duke shkaktuar vdekjen e 40 personave në vend.//AA