Britania e Madhe nuk humb kohë, nis provën klinike për vaksinën përforcuese anti- Covid

Qeveria britanike ka njoftuar se ka nisur prova e parë klinike në botë për të parë nëse një dozë përforcuese e vaksinës mund të mbrojë njerëzit kundër COVID-19 dhe varianteve të tij. Mësohet se 7 vaksina ekzistuese do të testohen në provën Cov-Boost, për të parë se cilat prej tyre mund të përdoren në çdo program të vaksinimit të ardhshëm të vjeshtës.

Sipas njoftimit zyrtar, rreth 2 886 persona të moshës 30 vjeç e më lart po rekrutohen në 18 qendra të Shërbimit Shëndetësor Kombëtar (NHS) nga Londra në Glasgoë, me vaksinat e para përforcuese që do të administrohen në fillim të qershorit.

Ndërkohë, shkencëtarët dëshirojnë që të regjistrohen personat që morën dozën e tyre të parë të Pfizer/BioNTech ose AstraZeneca në dhjetor ose janar dhe shpresojnë që personat e moshës 75 vjeç e lart të paraqiten gjithashtu.