Bosi shqiptar i drogës dënohet me 7 vite burg në Itali, gjobitet edhe me shumën e majme

Autoritetet italiane të drejtësisë kanë dënuar me 7 vite burg dhe 40 mijë euro gjobë, një shqiptar, i cili mendohet se është kreu i një bandë shqiptare të trafikut të drogës.

Ai u arrestua dy vite më parë, ndërsa Gjykata e Kasacionit ka vendosur të lërë në fuqi vendimin, duke refuzuar çdo apelim të të akuzuarit.

Sipas mediave italiane, 57-vjeçari shqiptar, identiteti i të cilit nuk bëhet i ditur ka menaxhuar një grup të trafikut të kokaines që furnizonte më lëndë narkotike zonat Lucca dhe Versilia.

Ai u arrestua në një operacion të përbashkët të disa policive në  Viareggio, Empoli dhe Firence.

Gjatë këtij operacioni në pranga u vunë edhe 7 persona të tjerë, shqiptarë dhe italiane.