Bllokim global në platformën X të Elon Musk, mijëra raportime për probleme

Një ndërprerje globale është regjistruar të shtunën në mesditë në platformën e rrjeteve sociale X (ish-Twitter), në pronësi të Elon Musk, sipas faqes së monitorimit të ndërprerjeve Downdetector.com.

Vetëm në SHBA, mbi 25.000 përdorues kanë raportuar probleme me aksesin në platformë deri në orën 12:39 GMT (14:39 me orën e Shqipërisë), sipas Downdetector, që mbledh të dhëna nga burime të ndryshme.

Shkaku i defektit teknik mbetet ende i panjohur, megjithëse X ka hasur edhe më parë ndërprerje të ngjashme në funksionim.