"Bingo" në Greqi, kapet kanabis në kamionin që vinte nga Maqedonia e Veriut

90 kilogramë kanabis janë gjetur në një kamion që vinte nga Maqedonia e Veriut në Greqi. Zbulimi është bërë në kohën kur Kontrollorët e Autoritetit të Pavarur të të Ardhurave Publike në Greqi, kanë ushtruar kontroll mbi një kamion që vinte nga Maqedonia e Veriut.

Gjatë kontrolleve, ata kanë gjetur dhe sekuestruar një sasi prej 90 kilogramësh kanabis. Droga e sekuestruar ishte fshehur në pjesë të ndryshme të kamionit.

Shoferi i mjetit është arrestuar, ndërsa Policia ka mundur të sekuestrojë 88 pako në total me 90.5 kilogramë kanabis.