Avioni përplaset me kamionët gjatë zbritjes në pistë, tre të plagosur

Të paktën tre persona janë lënduar pasi një avion i vogël u rrëzua në një pistë në Kaliforni të dielën.

Departamenti i Zjarrfikësve të Qarkut të Los Anxhelosit  tha se avioni u rrëzua rreth orës 11:10 të mëngjesit në In-N-Out Burger Pomona Dragstrip.

Përplasja ndodhi gjatë finaleve të Shoqatës Kombëtare Hot Rod (NHRA) dhe gara u pezullua.

Avioni, një motor me një krah fiks me gjashtë vende, po përpiqej të ulej në aeroportin Brackett Field në La Verne, por u përplas në pistë dhe shkatërroi edhe dy kamionë të mëdhenj, raportoi Daily Bulletin.

“Aeroplani goditi disa automjete në tokë, por asnjë kalimtar nuk u godit apo u plagos”, tha Departamenti i Policisë Pomona.

Piloti dhe tre pasagjerët e aeroplanit pësuan të gjithë lëndime, por janë jashtë rrezikut për jetën. Është e paqartë se çfarë e shkaktoi përplasjen, ndërs autoritetet po punojnë për zbardhjen e rrethanave./tch