Avioni devijoi fluturimin pas konfliktit mes pasagjerëve në bord, "Ryanair" për "Lajmifundit": Ja cfarë ndodhi!

Kompania Ryanair reagoi permes nje deklarate adresuar Lajmifundit.al lidhur me ngjarjen e ndodhur me 3 korrik 2024, kur avioni u ul në Marrakesh, Marok, ku policia më pas arrestoi nëntë pasagjerë të përfshirë në konflikt gjate fluturimit.

Zyra e komunikimit e kompanise ajrore shkruan:

Sapo vumë re artikullin dhe deshëm ta ndajmë në të gjithë deklaratën tonë:

“Ky fluturim nga Agadir në Londër Stansted (3 korrik) u devijua për në Marrakesh pasi një grup i vogël pasagjerësh u konfliktuan dhe një pasagjer tjetër u sëmur në bord.

Ekuipazhi bëri thirrje për ndihmë mjekësore dhe policore, të cilat arriten ne avion pas mbërritjes në Marrakesh.

Grupi i vogël i pasagjerëve qe u konfliktuan u largua nga avioni nga forcat e rendit te aeroportit.

Pasagjerit që u sëmur, iu dha oksigjen në bord përpara se të trajtohej nga mjekët e aeroportit, të cilët përcaktuan se ai nuk ishte ne gjendje për të fluturuar.

Ky pasagjer nuk pranoi të zbriste dhe u bë agresiv ndaj ekuipazhit dhe u largua nga avioni nga policia e aeroportit.

Meqenëse u deshën pothuajse 2 orë në total për të trajtuar dhe shkarkuar këta pasagjerë përçarës, gjatë së cilës kohë pjesa tjetër e pasagjerëve mbetën në bord, ekuipazhi arriti limitin e orëve te lejuara të fluturimit dhe kjo bëri që fluturimi të vonohej gjatë natës.

Pasagjerëve të prekur iu ofrua akomodim gjatë natës dhe transport për në/nga aeroporti. Ky fluturim u nis për në Londër të nesërmen (4 korrik).

I kërkojmë sinqerisht falje pasagjerëve për këtë devijim dhe vonesë të mëvonshme të shkaktuar nga një grup i vogël pasagjerësh përçarës, i cili ishte jashtë kontrollit të Ryanair.”