Arrestohet francezi në Holandë, po transportonte kokainë të fshehur në arkivole

Një shtetas francez u arrestua të premten në mbrëmje në Holandë teksa transportonte në një furgon dy arkivole të cilët i kishte mbushur me çanta me kokainë, me vlerë 13 milionë euro, tha policia holandeze.

Burri u ndalua në rrugën A29 pranë Numansdorp, në Hollandën e Jugut, sepse po ngiste në mënyrë të dyshimtë. Ai pretendoi se arkivolet përmbanin trupa, por nuk ishte në gjendje të siguronte dokumentacionin mbështetës.

Prandaj, arkivolet iu besuan një zyre funerali, e cila i hapi ato. Aty nuk u gjetën mbetje, por çanta sportive me më shumë se 250 kilogramë kokainë.

I dyshuari po udhëtonte nga Franca në drejtim të Holandës, pa e ditur ende destinacionin e tij. Ai u arrestua dhe droga u asgjësua.