Aksidenti tragjik, autobusi përplaset me kamionçinën, 15 persona humbin jetën

Një minibus me shpejtësi u përplas me një kamionçinë të parkuar në anë të një rruge të shkretë në Egjiptin jugor të martën, duke vrarë të paktën 15 persona, thanë autoritetet.

Përplasja fatale ndodhi në bregun lindor të lumit Nil pranë qytetit egjiptian al-Saff, afërsisht 34 milje në jug të kryeqytetit, Kajro.

Sipas autoriteteve, dy gra u plagosën gjithashtu në aksident, të cilat më pas u dërguan në spital.

“Minibusi po lëvizte me shpejtësi madhe kur ndodhi përplasja dhe shoferi i kamionit, i cili i mbijetoi aksidentit, u ndalua për t’u marrë në pyetje. Një hetim është duke u zhvilluar për të zbuluar shkaqet dhe rrethanat pas aksidentit”, tha një zyrtar për mediet.

Aksidentet fatale të trafikut janë të shpeshta në vendin e Egjipt Në maj të këtij viti, një autobus pasagjerësh u përplas me një kamion  në Egjiptin jugperëndimor, duke vrarë të paktën 17 persona. Ndërsa në shkurt, gjashtë persona humbën jetën kur një kamion dhe një autobus u përplasën pranë qytetit lindor të Egjiptit, Ismailia.