2 vjet burg për ish ministrin e Brendshëm dhe zëvendësin e tij në Poloni

Mariusz Kaminski, ish ministër i brendshëm në Poloni dhe një nga ish zëvendësministrat e tij, Maciej Wąsik, u dënuan me dy vjet burg me akuzën për korrupsion. Çështja në fjalë daton në periudhën kur PiS ishte partia e parë në pushtet nga viti 2005 deri në vitin 2007. Në atë kohë Kaminski ishte kreu i Byrosë Qendrore Antikorrupsion (CBA).

Në vitin 2009, kur Kamiński ishte ende kreu i CBA-së, ai dhe tre nga vartësit e tij u akuzuan për tejkalim të kompetencave të tyre në një hetim për një skandal korrupsioni që kishte çuar në dorëheqjen e zëvendëskryeministrit Andrzej Lepper.

Çështja, e quajtur skandali i tokës nga media, kishte të bënte me pretendimet e bëra nga biznesmenët polakë se falë kontakteve të tyre në ministrinë e bujqësisë ata ishin në gjendje të ndryshonin statusin ligjor të çdo parcele toke në Poloni.

Në vitin 2015, katër zyrtarët e CBA-së u shpallën fajtorë nga një gjykatë në Varshavë, ndërsa Kamiński u dënua me tre vjet burg dhe iu ndalua që për dhjetë vjet të mos mbajë poste publike. Presidenti Andrzej Duda, një aleat i PiS, vendosi t'u jepte falje presidenciale të katër të akuzuarve në nëntor 2015, madje Kaminski u emërua ministër i Brendshëm. Çështja e Kamiński dhe Wąsik, megjithatë u kthye në gjykatë dhe sot ajo mori vendimin përfundimtar duke e dënuar atë me 2 vjet burg dhe duke i hequr të drejtën për të mbajtur poste publike për 5 vjet.