Aksion “blic” në Berat/ Gjendet arsenal armësh në një banesë

Drejtoria Vendore e Policisë Berat ka zhvilluar një aksion “blic” në zonën e Kutallisë. Sipas asaj që raportohet në media mësohet se operacioni po zhvillohet në kuadër të kapjes së personave në kërkim për kultivim të lëndëve narkotike si dhe gjetja e armëve.

Në një banesë në fshatin Drenovicë është gjetur një arsenal armësh e municionesh. Policia ka sekuestruar 1 pistoletë, dy armë gjahu pa leje dhe sasi kutish me fishekë e municione luftarake si dhe ka vënë në pranga shtetasin E.SH, 65 vjeç.