Sulm me thikë në një supermarket në Zelandën e Re, policia qëllon për vdekje terroristin (Video)

Një sulm i rëndë ka ndodhur ditën e sotme në Zelandën e Re.

Mediat ndërkombëtare bëjnë me dije se një person i armatosur është futur në një supermarket në Zelandën e Re dhe ka qëlluar me thikë disa persona.

Fatmirësisht policia ndërhyri shpejt, duke qëlluar për vdekje agresorin.

Sipas autoriteteve zyrtare, nga sulmi u plagosën 6 persona, 3 në gjendje kritike, 2 në gjendje të rëndë. Ndërkohë, personat që panë ngjarjen, të cilët ishin të rrezikuar nga terroristi, rrëfyen tmerrin që panë me sy.

Pas kësaj ngjarje, ka reaguar kryeministrja Jacinda Ardern, e cila e përshkroi incidentin si një sulm terrorist.

Ajo tha se burri ishte një shtetas i Sri Lankës i frymëzuar nga grupi i Shtetit Islamik.

Ajo tha se ai ishte i njohur për agjencitë e sigurisë të kombit dhe po monitorohej gjatë gjithë kohës.