Zjarri në banesë, humb jetën 89-vjecari i plagosur në Korcë

Ka ndërruar jetë ne spital i moshuari, i cili pësoi djegie në banesën që mori flakë.

Ngjarja e rende ndodhi një ditë më parë, në lagjen nr.4 ku 89-vjeçari Koço Zhidro së bashku me një 47-vjeçare me iniciale B.B., e cila kujdesej për të moshuarin janë çuar në spital për ndihmë mjekësore.

Pavaresisht perpjekjes se mjekeve, diten e sotme, burimet bëjnë me dije se 89-vjeçari ka ndërruar jetë në spitalin e Korçës.

Njoftimi i policisë mbi ngjarjes:

Mëngjesin e sotëm, në lagjen nr. 4, Korçë, ka rënë zjarr në banesën e shtetasit K. Zh., rreth 89 vjeç, i cili për pasojë ka marrë djegie trupore dhe u dërgua në spital për ndihmë mjekësore, së bashku me shtetasen B. B., rreth 47 vjeçe, që kujdesej për pronarin e banesës, e cila kishte probleme me frymëmarrjen.

Grupi hetimor po punon për sqarimin e rrethanave dhe përcaktimin e shkaqeve të rënies së zjarrit, i cili paraprakisht dyshohet të ketë rënë për shkaqe aksidentale.