Zjarr në një banesë në Pogradec, humb jetën 52-vjeçarja nga asfiksia

Një grua 52-vjeçare ka ndërruar jetë në orët e para të mëngjesit të sotëm, pas një zjarri që përfshiu banesën e saj në lagjen nr. 1 të qytetit të Pogradecit.

Sipas burimeve zyrtare, zjarri ka rënë rreth orës 06:00 në shtëpinë e shtetases me inicialet K. T. Viktima ka humbur jetën si pasojë e asfiksimit nga tymi.

Në vendngjarje kanë mbërritur forcat zjarrfikëse dhe grupi hetimor, të cilët kanë bërë të mundur shuarjen e flakëve dhe po punojnë për zbardhjen e shkaqeve të incidentit.