Zhvilloi intervistë me kryebashkiakun, vritet gazetari 25-vjeçar në Meksikë

Gazetari 25-vjeçar Mauricio Cruz Solis u qëllua për vdekje me armë zjarri mëngjesin e sotëm në Meksikë. Vrasja ndodhi në shtetin e Michoacán-it pak minuta pas një interviste që ai zhvilloi me kryetarin e rajonit.

Në fakt, një kamera sigurie ka regjistruar tingujt e të shtënave ndaj gazetarit të ri. Gazetarja 25-vjeçare ishte drejtoreshë e faqes së lajmeve “Minuto x Minuto” dhe prezantoi një emision në radiostacionin lokal “La Poderosa Uruapan”.

“Maurisio ishte më shumë se një koleg, ai ishte një mik i përkushtuar, një burim frymëzimi dhe një zë i palodhshëm në shërbim të komunitetit tonë”, tha radiostacioni për të cilin punonte.

Më shumë se 150 gazetarë janë vrarë në Meksikë që nga viti 2000, sipas numrave të OJQ-së Reporterët pa Kufi (Reporters sans Frontière, RSF).