Vrasja e të riut gjatë atentatit në Elbasan, të afërmit shpërthejnë në britma dhe lot

Një tjetër vrasje është regjistruar këtë martë në lagjen “Skënderbej” në qytetin e Elbasanit.

Shtetasi Everest Caka është qëlluar me armë zjarri dhe për pasojë ka humbur jetën. Mësohet se i riu ishte i shoqëruar me një vajzë.

Forca të shumta policie ndodhen në vendin e ngjarjes për të zbardhur shkaqet e vrasjes se shtetasit Everest Caka, ndërsa të afërm të viktimës janë tronditur nga ngjarja e ndodhur të cilët kanë shpërthyer në britma e lot.

Ambulanca ndodhej në vendin e ngjarjes për të bërë të mundur shpëtimin e jetës së të riut, por fatkeqësisht ai nuk ka mundur të mbijetojë.