Vrasja e Martin Canit shkak për mbylljen e Tik-Tok, reagon babai i 14-vjeçarit!

Ditën e sotme qeveria bëri të ditur nëpërmjet ministres së Arsimit Ogerta Manastirliu mbylljen e Tik-Tok për një periudhë 2 mujore. Ky vendim është marrë për të parandaluar ose për t’i dhënë fund sherreve mes të miturve që shkas marrin nga bullizmi apo gjuha e urretjes që hasin apo përdorin kundrejt njëri-tjetrit online.

Në lidhje me këtë situatë ka reaguar edhe babai i të ndjerit 14-vjeçar Martin Canit, teksa i thotë se djali i tij nuk ka patur Tik-Tok e as SnapChat.

“Babai i Martin Canit më shkruan tani dhe më thotë se djali i tij nuk ka pasur TikTok. Edhe për Snapchat-in më thotë se nuk ka pasur informacion se ka qenë përdorues i këtij aplikacioni…për mua Snapchat është platformë më e rrezikshme. Duhet të kuptojmë qartazi se cili është interesi i qeverisë, që e mbyll TikTok 2 muaj para zgjedhjeve…Pra si ka mundësi që mbyllet TikTok dhe jo Snapchat?”, tha gazetari Osman Stafa, kur iu dërgua mesazhi.

Kujtojmë që qeveria filloi të vepronte për mbylljen e këtij rrjeti social pas vrasjes së Martin Canit nga një bashkëmoshatar i tij, Mario Përlleshaj pranë ambienteve të shkollës “Fan Noli” në Tiranë.

Shkak për këtë situatë është raportuar të ketë qenë një postim në SnapChat e më as një debat nga rrjeti social në ambientet e shkollës 9-vjeçare.