Vrasja e Alfred Dedjas në Ndroq, policia del me njoftim zyrtar: Makina e autorit u gjet e braktisur në një fshat

Policia e Shtetit jep detaje nga gjetja e makinës së autorit të vrasjes së menaxherit të lokalit në Ndroq, Julian Gjoshi. Sipas bluve, mjeti është gjetur në fshatin Shkallnur, ndërsa shërbimet e Policisë nuk kanë gjetur asnjuë send të kundërligjshëm.

“Policia e Shtetit/Në vijim të kontrolleve të kryera nga shërbimet e Drejtorisë Vendore të Policisë Tiranë, në bashkëpunim me shërbimet e Drejtorisë Vendore të Policisë Durrës dhe të Forcës Kombëtare të Sigurisë, për lokalizimin dhe kapjen e autorit të vrasjes së ndodhur ditën e djeshme, në një lokal në Ndroq, është gjetur i braktisur në fshatin Shkallnur, automjeti me të cilin dyshohet se ka lëvizur autori i dyshuar i vrasjes.

Gjatë kontrollit në automjet, shërbimet e Policisë nuk kanë konstatuar ndonjë send të kundërligjshëm. Automjeti u transportua në ambientet e Policisë dhe do t’i nënshtrohet ekspertizës.  Ndërkohë vijon puna për kapjen e autorit të dyshuar të vrasjes dhe për zbardhjen e rrethanave të saj.”