Vrasja e 30-vjeçarit tek Xhamlliku, policia jep detaje: U qëllua me armë me silenciator

Policia ka dalë me njoftim zyrtar mbi atentatin e ndodhur pas mesnate në rrugën "Xhanfize Keko" ku sqaron se 30-vjeçari Klaudio Prendi u vra me armë zjarri rreth orës 00:36. Ndërsa 30 minuta më von, në afërsi të Liqenit të farkës është gjetur automjeti tip “Audi” i djegur, i autorëve.

“Më datë 19.11.2024, rreth orës 00:36, në rrugën "Xhanfize Keko" , dyshohet se është qëlluar me armë zjarri shtetasi K. P., rreth 30 vjeç, i cili është transportuar në spital për ndihmë mjekësore por si pasojë e plagëve të marra ka ndërruar jetë.

Rreth orës 01:05, në afërsi të Liqenit të Farkës është konstatuar duke u djegur një mjet tip "Audi".

Një grup i posaçëm hetimor, në drejtimin e Prokurorisë, po vijon punën për zbardhjen e plotë rrethanave të ngjarjes, dokumentimin e plotë ligjor të saj, identifikimin dhe kapjen e autorit/ëve të dyshuar.”