Vranësira dhe reshje shiu, ja parashikimi i motit për ditën e sotme

Moti në vendin tonë ditën e sotme do të nisë me vranësira të shpeshta dhe shira të papërfillshëm në zonat verilindore dhe skajin Juglindor. Pjesa e dytë e ditës sipas MeteoAlb, mbetet me kthjellime dhe vranësira kalimtare, por duke ju afruar mesditës vranësirat largohen nga republika e Shqipërisë duke rikthyer motin e kthjellët. Këto kushte atmosferike do të na shoqërojnë deri mëngjesin pas-ardhës.

Temperaturat e ajrit ulen me të paktën 2 gradë në mëngjes por rriten në mesditë, duke bërë që vlerat ditore të luhaten nga 6°C deri në 26°C. Era do fryjë e fortë gjatë paradites por intesiteti bie pasdite me shpejtësi 45km/h nga drejtimi Verior-Veriperëndimor duke krijuar në det dallgëzim 4  ballë.