Vlora gati për sezonin turistik, por mungojnë vrojtuesit e plazheve

Mungesa e rojeve bregdetare në stacionet e plazheve është kthyer në një shqetësim në Vlorë.

Në vijën bregdetare nga Zvërneci deri në Orikum janë 188 stacione plazhi dhe pavarësisht se vrojtues të rinj trajnohen çdo vit, nuk plotësohet nevoja.

Pushuesit në plazhin publik shprehen se prej vitesh nuk shohin vrojtues në plazhe.

Thirrja e tyre shkon për autoritetet që të rrisin kontrollet në stacionet e plazheve.