Veprimi i pafalshëm i 26-vjeçarit në Tiranë, përfundoi në burg për dhunë ndaj nënës së tij

Policia e Tiranës ka njoftuar mëngjesin e sotëm se ka arrestuar një 26-vjeçar. Sipas njoftimit zyrtar, i riu me iniciale B.Gj akuzohet për dhunë fizike dhe psikologjike ndaj nënës së tij. Nuk dihet se kush e ka denoncuar të riun.

“Specialistët për Hetimin e Krimit në Komisariatin e Policisë Nr.5 bënë arrestimin në flagrancë të shtetasit B. Gj., 26 vjeç, pasi ka ushtruar dhunë fizike dhe psikologjike ndaj nënës së tij. Materialet i kaluan Prokurorisë së Rrethit Gjyqësor Tiranë, për veprime të mëtejshme”, njofton policia.