Veliaj kërkon ti kthehet celulari që i sekuestruan oficerët e BKH, ja vendimi që mori gjykata!

Apeli i GJKKO ka rrëzuar kërkesën e Erion Veliajt për heqjen e sekuestros së celularit. Celulari i Veliajt është sekuestruar ditën e arrestimit të kryebashkiakut, më 10 shkurt.

Aparati celular është marrë si dëshmi për hetimin sa i përket provave për të cilat më pas është bërë dhe arrestimi i Veliajt. Gjatë arrestimit të kryebashkiakut Erjon Veliaj në zyrën e tij të punës, oficerët e BKH-së dhe policisë i kanë sekuestruar edhe telefonin e tij celular.

Kryebashkiaku që aktualisht ndodhet në paraburgimin e Durrësit, pasi është i dyshuar për korrupsion e pastrim parash i është drejtuar Gjykatës së Posaçme dhe kërkon kthimin pas të telefonit.

Ai pretendon se celulari i është sekuestruar në mënyrë të paligjshme.