Vdekja e 3-vjeçarit në Shkodër, Prokuroria nis hetimet!

Prokuroria Shkodër ka nisur hetimet për vdekjen e 3-vjeçarit të mitur ditën e djeshme, ku dyshohet helmim nga ilaçi i miut.

"Lidhur me rastin e te miturit 4 vjeçar qe ka ndërruar jete, ju bej me dije se Prokuroria ka orientuar shërbimet e Policisë Gjyqësore ne Komisariatin e Vau te Dejës për kryerjen e veprimeve te para hetimore. Është referuar materiali procedural penal dhe Prokuroria ka regjistruar procedimin penal dhe do vijojnë hetimet”, njofton Prokuroria.

Kujtojmë se motra e tij 7-vjeçare ndodhet në gjendje kritike ndërsa nuk dihet gjendja e nënës të tyre e cila është shtatzënë. Analizat toksikologjike pritet të hedhin dritë mbi shkaqet që i morën jetën trevjeçarit, ndërsa për rastin hetime ka nisur edhe Prokuroria e Shkodrës.